طلب بتعيين أبنى مكانى بعد المعاش

أنا سيدة أعمل موظفة فى مجال الحكومة ( الهيئة العامة للتخطيط العمرانى ) وباقى لى سنة وأطلع معاش وأنا اللى بصرف على البيت يعنى راجل وست لأن زوجى عندة محل تصفيف حريمى وللأسف لا يدخل أى إيراد لأنه كبر فى السن وعلى أد حالة وبذلك أعول أسرة كاملة ثلاث أبناء وزوج + والدى المريض وطلبت وسألت كتيير على أن يعمل أحد أبنائى بالهيئة بديلا لى بعد المعاش فلا حياة لمن ينادى = طب لو الشباب دة ما اشتغلش بالتعيين مثل أيامنا الدولة بعد كدا هتلاقى خبرات فى مجال الاعمال الحكومية أزاى .. ما كلنا بنتلع على المعاش وهيبقى شوية شباب صغير متعين نظام عقد مؤقت لا عندة خبرة ولا حاجة .. لكن لو كان تعيين مثلنا عن طريق القوى العاملة كان زمانه أخد شوية خبرة وكانت البلد تسير فى طريقها الطبيعى – روح حضرتك وشوف مكاتب الحكومة إذا كان وحدات محلية أو مديريات إسكان أو غيره  هتلاقى المكاتب فاضية ليس عليها أحد وتسأل أى موظف صغير لسه يا دوب متعاقد ( للأسف لايعرف يجاوب ولا يعرف يتصرف ياريت نظام القوى العاملة ترجع تانى للتعيين بعد التخرج زى زمان أغيثونا مش راح نعرف نعيش لما إمرأة تقوم بمصاريف اسرة كاملة بمرتبها وحوافزها .. لما تخرج ع المعاش هتعيش إزاى وتقوم بالمصاريف الجامدة دى إزاى … الرحمة يارب

wafaayousry@hotmail . com

شارك