شعب يلاعب دولة ودولة تستغبى وتصدق شعب

بعد الثورة 25 يناير ذهبت لزيارة والدى فى قرية جنب المنصورة ومنزلة فى اخر القرية فى الغيطان من 30 سنة

حضر الاهل للسلام والغريب عرضوا على طلب لاعيب صحيح ان استثمر فى بلدنا قلت اذاى ردوا على فى نفس واحد اشترى فدان ارض اللى جنب ابوك واتبرع منها بقراط لبناء مدرسة وقراط لبناء جامع واة الحكمة قالوا حتدخل الكهرباء والمياة والصرف للجامع وللمدرسة وعلى حسها تبور باقى الارض وتبعها مبانى يالشئ الفلانى فى وقت قليل اجدع استثمار قلبى انقبض وقلت لهم افكر

ذهبت من اسبوع لقيت كل البلد عملت كدة وما عرفتش اوصل لبيت ابوى ما عرفتوش لقيت عمارات 12 دور اة واللة العظيم والنور والع فى بلكونتها ليل نهار واتبنى الجامع والمدرسة وما بقاش حد بيصلى فى مسجد والدى لصغرة والمية فية طلمبة هههههههههه مما لقتش زراعة لقيت خرسانة

صحيح شعب بيلاعب حكومة وحكومة تستغبى باقى الشعب تنهى على مصدر غذائة الوحيد الارض الزراعية
شوفتوش غباء اكثر من كدة شعب يسرق نفسة وحكومة تتولاة
اذ المفسدون قالوا صراحة فى مجلس الشعب الفساد فى المحليات للركب دى اللى قال كدة مفسد كبير وصفهم انهم اكثر منة فسادا
لك اللة يا مصر

شارك